Казаннан Соль-Илецкига даими автобус рейсы ачыла

21 июньнән башлап Казаннан Соль-Илецк шәһәренә яңа даими рейс ача.

«Башкала» автовокзалы Соль-Илецкига яңа даими рейс ача. Уңайлы автобуслар көн саен 1 сәгать 30 минутта китәчәк», - диелә Казан автовокзалы хәбәрендә.

Юл вакыты 15 сәгать 40 минут тәшкил итәчәк. Юл бәясе 1744 сумга төшә.

• Соль-Илецк - Россиянең Оренбург өлкәсендәге шәһәре, Соль-Илецк шәһәр округының административ үзәге. Илнең популяр курортларының берсе санала.

Фото: https://pixabay.com

https://tatar-inform.tatar