Саба таңнары

Халыкара музейлар көнендә Казан музейлары белән бушлай танышырга мөмкин

Ел саен 18 майда Халыкара музейлар көне билгеләп үтелә.

18 майда Халыкара музейлар көнендә Казан музейлары белән бушлай танышырга мөмкин. Бу хакта Казан милли мәдәни үзәкнең матбугат үзәге хәбәр итә.

Халыкара музейлар көненә музей комплексы Бауман урамында “Таныш булыйк” дип аталган программа оештыра. Шәһәр филармониясе коллективлары тарафыннан төзелгән “Казан сөлгесе” концерт программасы, музей комплексын тәкъдим итү чарасы, милли мәдәният музее экспонатларына нигезләнеп төзелгән “Борынгы сандык сөйләгәннәрдән...” блиц-викторинасы, “Рәсемне буя” чарасы үтәчәк.

Лядской бакчасында “Вакытларны тоташтыручы җеп” дип аталган гражданлык акциясе уза. 13.00 – 17.00 сәгатьтә биредә ун мөстәкыйль иҗади мәйданчык эшләячәк. “Әдәби ишегалды”, “Урманчы академиясе”, “Елмаеп яшик”, “Язгы күчтәнәч”, “Ял иткән арада”, “Лукоморьега сәяхәт”, “Рус мирасы” дигән мәйданчыкларны күзәтеп чыкканнан соң, һәркем күңеленә хуш килердәй шөгыль табар. Кул эшләре буенча остаханәләрдә, рәсем буяуда һәм эстафетада катнашырга мөмкин булачак. Әлеге бәйрәмдә шулай ук сәнгать әһелләренең чыгышлары да көтелә.

Фото: https://pixabay.com | dmusicat
http://www.tatar-inform.tatar

Нравится
Поделиться:
Реклама
Комментарии (0)
Осталось символов: