Саба таңнары

Әхмәтҗан Галиев: "Татар йорты"н бөтен Кытай белергә тиеш дигән максат куйдык

Кытайда "Татар йорты" сәүдә йортын ачкан татар егете татар эшмәкәрләрен хезмәттәшлеккә чакырды.

Кытай Халык Республикасының Шенжень шәһәрендә «Татар йорты» сәүдә йортын ачкан татар егете Әхмәтҗан Галиев татар эшмәкәрләренә үз продукцияләрен Кытайда сатарга тәкъдим итте. Әхмәтҗан Галиев бүген «Алабуга» махсус икътисади зонасында уздырылган XII «Татарстанның эшлекле хезмәттәшләре» форумында татар эшмәкәрләрен үзенең яңа проекты белән таныштырды.

«Татар йорты» сәүдә йорты ачылуына әле бер ай гына. Ноябрьдә аны Кытайга эшлекле сәфәре барышында Татарстан Президенты Рөстәм Миңнеханов та карап чыккан иде. «Татарстан Президенты безнең эшчәнлекне хуплады, киңәшләрен бирде», - дип искә ала ул очрашуны Әхмәтҗан Галиев.

«Татар йорты» Россиядә азык-төлек җитештерүчеләргә Кытайда үз вәкиллеген ачып, үз продукцияләрен арадашчыларсыз турыдан-туры сәүдә челтәрләрендә сатуга чыгарырга ярдәм итү белән шөгыльләнә.

«Кытайда икътисад алга киткән, ләкин экология проблемалары барлыкка килде. Кеше күп, ризыкның бәясен төшерү өчен җитештерүдә химия файдаланыла, табигый чиста азык-төлеккә кытлык туды. Шуңа күрә Кытай Хөкүмәте экологик чиста азык-төлек импортын үстерү максатында махсус дәүләт программасы булдырды. «Татар йорты» проекты шушы программа нигезендә ачылды. Бүген Татарстаннан алты, Россиядән дүрт компания үз продукциясен Кытайда «Татар йорты» аша сата башлады. Менә шушы көннәрдә генә Мордовиянең Азюрка авылындагы көнбагыш белән сәүдә итүче татарлар - «Карпай» оешмасы үз продукциясен беренче тапкыр Кытайга җибәрәчәк», - дип сөйләде Әхмәтҗан Галиев.

Татарстанлылар Кытайга он, көнбагыш мае, Кукмараның металл савыт-сабасын сатарга керешкән.

«Татар йорты»н бөтен Кытайга танытырга телибез. Экологик яктан иң чиста продукцияләрне татарлар сата дип белергә тиешләр», - ди Әхмәтҗан.

Татарстанда татар эшмәкәрләре җыенын ул аралашу, танышу мәйданы буларак файдалы дип бәяли. «Без татар эшмәкәрләрен үз продукцияләрен Кытайда сатарга чакырабыз», - диде «Татар йорты» хуҗасы.

Кытайда туып үскән Әхмәтҗан Галиев исеме Татарстанда таныш исем. Аны сәхнәдә чыгышлары, җырлары аша беләләр. Ул Казанда тугыз ел яшәп, ике югары уку йортын тәмамлады. 28 яшьлек татар егете соңгы алты елда сәүдә белән шөгыльләндем, ди. Җырларга вакыты аз кала, шулай да бер вакыт табып, музыкаль альбомын чыгарырга планлаштыра.

«Мин татар милли мәдәниятенә мәхәббәт хисләре белән тәрбияләнеп үстем, Казанда да татар тормышында кайнап яшәргә тырыштым. Безнең татарлар җитештергән продукцияләрне күреп, кулланып, Татарстан компанияләре уңышлары өчен куана идем. Хәзер Кытай белән Татарстан, Россия арасындагы элемтәләрне ныгытырга телим. «Татар йорты» ачылуга әле бер генә ай, ә инде Кытайдагы ике эре дәүләт компаниясе Татарстанга үз инвестицион проектларын тәкъдим итте. «Татар йорты»ның киләчәге уңышлы булырга тиеш дип ышанам», - диде Әхмәтҗан Галиев «Татар-информ» мәгълүмат агентлыгына.

http://tatar-inform.tatar

Нравится
Поделиться:
Реклама
Комментарии (0)
  • 18 февраля 2018 в 15:09
    Комсомолга - 100 ел. 2018 Саба аграр көллияте сту­дентларының иҗат-отчет концерты
  • 17 февраля 2018 в 19:22
    САБАДА – ГЕРМАНИЯ ПРОФЕССОРЫ
  • 17 февраля 2018 в 24:22
    Сабада аяз кичтә йолдызлар бураны «купты» 16 февраль кичендә Саба мәдәният йортында районыбыз туып-үскән якташларыбыз – эстрада, театр артистлары, музыкантлар, ди-джейлар катнашында “Йолдызлар бураны” дип исемләнгән җырга-моңга бай матур кичә булды.
    793
    0
    1
  • 19 февраля 2018 в 07:54
    Масленица бәйрәме фаҗига белән тәмамланды 18 февральдә Кизләр шәһәрендә (Дагестан Республикасы) Масленица бәйрәмендә җинәятче — кеше күп җыелган урында ут коралыннан атты.
    774
    0
    0
  • 17 февраля 2018 в 15:41
    Бөтен нәрсә сөттән кыйммәт, сыер гына кызганыч Әле ярый гаилә фермасы төзергә теләк белдереп махсус программага кермәдек. Сыер асрыйбыз дип дәүләттән ярдәм алган булсак, кая барыр идең, табышы булмаса да, терлекләрне тотарга туры килә бит. Саба районының Түбән Шытсу авылында яшәүче Алсу һәм Әнәс Сөнгатуллиннар, сөт бәясе кимегәч, сыер асрауның файдасы калмый башлады, дип чаң суга.
    473
    0
    0
  • 18 февраля 2018 в 15:43
    6 иң зәвыклы татар җырчысы. Кемнәр алар? 17 февральдә «Пирамида» күңел ачу залында «Болгар радиосы» хитлар концерты булды. Концертта катнашкан иң зәвыклы җырчы кызларның исемлеген сезгә дә тәкъдим итәбез.
    473
    0
    0
  • 17 февраля 2018 в 10:52
    “Утырып еладым. Шатлыктан...” Бу гаилә турында 2015 елда “Ватаным Татарстан”да “Гомерлеккә аласызмы?” дигән язма басылып чыккан иде. Тукай районының Сәмәкәй авылында яшәүче Әлфира Исхакова белән “Нечкәбил” бәйгесендә таныштык. Әниләре өчен җан атып торучы ике кыз җәлеп итте безнең игътибарны. Баксаң, алар – Әлфира апаның тәрбиягә алган кызлары икән.
    393
    0
    3
  • 18 февраля 2018 в 16:09
    Уфа кешесе лотереяга 26 млн сум акча откан Бәхетле билет хуҗасын, отышны рәсмиләштерү өчен, Мәскәүдә көтәләр.
    366
    0
    0
  • 18 февраля 2018 в 10:01
    САБАДА – ГЕРМАНИЯ ПРОФЕССОРЫ Ир-атларның җенес бизләре белән бәйле үзләренә генә хас авырулары булса да, аларны урологка күренергә өйрәтеп булмый әле.
    328
    0
    1
  • 17 февраля 2018 в 12:26
    СЛЕСАРЬГА МАШИНА ВӘГЪДӘ ИТЕЛДЕ Саба күптармаклы җи­теш­­терү пред­приятие­сендә үткәрелгән хисап җые­лышына быел коммуналь хуҗалык хез­мәт күр­сәткән авыл җир­лек­лә­ре башлыклары да ча­кы­рылган иде.
    326
    0
    0