Комлыкта кызыну организм өчен зыянлы

Диңгез буендагы комлыкта кызыныр алдыннан уйланырга кирәк: микроорганизмнар кеше организмы өчен куркыныч тудыра икән.Америка галимнәре шундый нәтиҗә чыгарган.

Алар Гавайи утрауларындагы комлыктагы микроорганизмнарны тикшергән. Шуның буенча галимнәр куркыныч бактерияләрнең судагыга караганда комда озаграк яшәвен ачыклаган. Моңа кояш нурлары тәэсир итә, имеш. Андый бактерияләр рәтенә, әйтик, эчәк таякчыкларын кертергә була икән. Галимнәр әйтүенчә, күңелсезлеккә тарымас өчен кызыну кирәк-яракларын даими рәвештә комнан чистартып торырга, комлыкта артык казынмаска кирәк. Комга күмелеп яту турында әйтеп тору да кирәкми, ди галимнәр.

Интертат.ру