Консолидацияләнгән Татарстан бюджетына быелгы 9 айда 199,8 млрд сум акча кергән

(Казан, 20 октябрь, "Татар-информ", Рөстәм Килсинбаев). Быел 9 айда федераль акчалар белән бергә бюджет кереме 199,8 млрд сумны тәшкил иткән. Салым һәм салымнан булмаган акчалар 182,2 млрд сум. Бу хакта бүген Министрлар Кабинетында Татарстан Президенты Рөстәм Миңнеханов җиткерде.

Республика лидеры сүзләренчә, 9 ай эчендә бюджет алдындагы салым бурычы 427 млн сумга кимегән. Шуңа да карамастан, 1 октябрьгә бурыч 7,7 млрд сум күләмендә калган.

Киңәшмә барышында Президент шулай ук федераль акчаларны үзләштерү мөһимлеген әйтте.

“Ел ахырына кадәр 9 млрд сум акча үзләштерелергә тиеш. Документлар да тиешенчә рәсмиләштерелергә тиеш. Бу зур һәм катлаулыы эш. Әлеге эшкә җаваплы җитәкчеләргә мөрәҗәгать итәм, бу эш сезнең һәр көнлек контрольдә булсын”, - дип җиткерде ул.
 

http://tatar-inform.tatar