Матбугат чаралары Путин белән Трамп очрашуына әзерлек турында белгән

Ак йортта АКШ Президенты Дональд Трамп белән Россия Президенты Владимир Путин очрашуына әзерләнәләр, дип белдерделәр Кушма Штатлар администрациясендә. Бу хакта Wall Street Journal басмасына сылтама белән “Интерфакс” хәбәр итә.

АКШның Россиядәге Илчесе Джон Хантсман очрашуны оештыруда актив катнаша, дип билгеләп үтте чыганак. “Трамп белән Путин арасында рәсми очрашу оештыру – ул илче Хантсман проекты”, - диде ул.

Хәзерге вакытта сөйләшүләр башланган. Сөйләшүләр уңышлы булса, бу ике дәүләт лидерларының өченче очрашуы булачак.

Фото: архив/Ильнар Тухбатов

http://tatar-inform.tatar