Миңнеханов Зур концерт залында сакта торучы полиция хезмәткәрләренә чәчәк бүләк итте

Татарстан Президенты Рөстәм Миңнеханов Сәйдәшев исемендәге Зур концертлар залында Хокук тәртибен күзәтеп торучы полиция хезмәткәрләре яныннан игътибарсыз узып китә алмады — республика җитәкчесе аларны якынлашып килүче бәйрәм белән котлады һәм чәчәк бәйләмнәре тапшырды.

ТР Президенты Зур концерт залына «Ел хатын-кызы. Ел ир-аты: хатын-кыз карашы» республика конкурсына йомгак ясау тантанасына килде. Бина фойесында ул ишек янында сакта торучы полиция формасындагы ике хатын-кызны күрде. Рөстәм Миңнеханов эш графигында берничә минут табып, хокук тәртибен саклау хезмәткәрләрен Халыкара хатын-кызлар көне белән котлады.

Чыганак:https://tatar-inform.tatar/news/society/07-03-2020/mi-nehanov-zur-kontsert-zalynda-sakta-toruchy-politsiya-hezm-tk-rl-ren-ch-ch-k-b-l-k-itte-5727677