Министрлар Кабинеты авыл территорияләрен төзекләндерүгә дәүләт ярдәме күләмен арттырды
Россия Премьер-министры Михаил Мишустин төбәкләргә авыл территорияләрен төзекләндерү чараларын гамәлгә ашыруга бирелә торган дәүләт ярдәме күләмен арттыру турындагы карарны имзалады. Бу хакта Министрлар Кабинеты сайтында хәбәр ителә.
Фото: © "Татар-информ"
«Бу карар авыл территорияләре инфраструктурасын үстерүгә ярдәм итәчәк», диелгән документка аңлатма язуында.
Үзгәрешләр буенча, авыл территорияләренең бер проектын гамәлгә ашыруга бүлеп бирелгән ярдәмнең максималь күләме хәзер 2 млн сум түгел, ә 3 млн сум тәшкил итә.
Моннан тыш, төбәк авыл территорияләрен төзекләндерү чараларына ала торган субсидиянең минималь күләмен 2 млн сумга арттырдылар (элек 1 млн сум иде, хәзер 3 млн сум).
Эш «Авыл территорияләрен комплекслы үстерү» дәүләт программасы кысаларында алып барыла, аны Министрлар Кабинеты Россия Президенты Владимир Путин йөкләмәсе буенча 2019 елда раслады.
Тулырак: https://tatar-inform.tatar/news/ministrlar-kabinety-avyl-territoriyalaren-tozeklanderuga-daulat-yardame-kulamen-arttyrdy-5881463
Следите за самым важным и интересным в Telegram-каналеТатмедиа
Нет комментариев