Мәскәү янында 46 пассажир утырган автобус һәлакәткә юлыккан

(Казан, 21 ноябрь, “Татар-информ”). Бүген иртән Мәскәү өлкәсендә юл-транспорт һәлакәте булган: шәһәрара автобус юл читенә төшеп әйләнгән. Бу хакта ТАСС агентлыгы җиткерде.

Россия Эчке эшләр министрлыгының төбәк Баш идарәсе матбугат хезмәте җиткергәнчә, һәлакәт 7.45 сәгатьтә М4 трассасында булган.

“Российская газета”да Ростовтан Мәскәүгә бара торган автобуста 46 пассажир булуы хәбәр ителә.

“Үлүчеләр юк, зыян күрүчеләр саны ачыклана”, – диелә хәбәрдә.

http://tatar-inform.tatar