Саба таңнары
  • Тат Рус Лат
  • Олы Кибәче мәктәбендә укучылар тырышлыгы белән тоннадан артык кишер, кыяр, кәбестә, өч тонна чөгендер җыеп алганнар

    Соңгы елларда мәктәпләр бизнес-планнары ниге­зендә үстерелгән җиләк-җимеш, яшелчәләр бәра­бәренә үзләрен кышка җитәрлек азык белән тәэмин итәләр. Бер өле­шен сатып, мәктәп кассасын да тулыландыралар. Моның өчен укытучыларга, техник хезмәткәрләргә һәм укучыларга шактый маңгай тирләрен түгәргә туры килә. Туксан өч укучылы Олы Кибәче белем йорты да агымдагы җәйдә районда "Иң күп уңыш...

    Соңгы елларда мәктәпләр бизнес-планнары ниге­зендә үстерелгән җиләк-җимеш, яшелчәләр бәра­бәренә үзләрен кышка җитәрлек азык белән тәэмин итәләр. Бер өле­шен сатып, мәктәп кассасын да тулыландыралар. Моның өчен укытучыларга, техник хезмәткәрләргә һәм укучыларга шактый маңгай тирләрен түгәргә туры килә. Туксан өч укучылы Олы Кибәче белем йорты да агымдагы җәйдә районда "Иң күп уңыш алучы бакчалы мәктәп" буларак танылды.

    Без килгәндә укучылар кәбестәләрне бозылган яфракларыннан чистарта иде. Максат - акча эшләү генә түгел, ә хезмәт тәрбиясе бирү. Бергә эшләү балаларны дуслаштыра да әле. Кәбестәне язын үзләре утыртып, җәй буе үстерәләр дә бит.

    Мәктәп яны тәҗрибә кишәрлеге - менә дигән тәҗрибә үткәрү урыны ул. Монда укучылар биология дәресләрендә үзләштергән белемнәрен практикада кулланалар, үсемлекләрнең үсеш процессын күзә­тәләр. Уңышын да бер­гә җыйныйлар. Үзең тир түгеп, күңел биреп үстергән муллыкны кул­лануы да кү­ңелле. Мәктәпнең аш­ха­нәсендәге пешекчеләр дә бакчада үскән яшелчә, җиләк-җимешләрдән бик тәмле ризыклар әзерләп тора укучыларга. Сиксән сутый­лы мәктәп яны тәҗрибә-җитештерү учас­­тогыннан тоннадан артык кишер, кыяр һәм кәбестә, өч тонна чамасы чөгендер җыеп алганнар. Арендага алынган ике гектар җирдә дә бәрәңге үстергәннәр. Бәрәңгенең быелгы уңышы әллә ни куандырмаса да, кышка ашарлык һәм чәчү өчен җитәрлек әзерләнгән. Ә менә кызыл чөгендернең уңышы көтелгәннән дә арткан. Ашханәне тулыландырып кына калмаганнар, үзләреннән артканын район кулланучылар җәмгыятенә дә тапшырганнар.

    - Чөгендергә сорау зур, пешереп тә сатабыз. Авыл халкы да ала, укытучылар үзебез дә сатып алып кайтабыз. Суган, помидорларны орлык, үсенте итеп тә, көзен өлгергәч тә саттык, - ди участок мөдире, биология укытучысы Фирая Ибушева.

    Кыярга да сорау бар. Әйтик, 1253 килограмм уңышның 521ен тозлап куйганнар. Ашханәдә тезелеп киткән кыяр банкаларын күреп хозурландык. Өч литрлы 150 банкага кыяр каплаганнар.

    - Кыяр үстереп мәктәпкә азмы-күпме акча эшләп була икән дигән фикергә килдек, - ди мәктәп ди­ректоры Рәлиф Мөхәм­мәт­җәнов. - Тозлы кыярны сораучылар да бар.

    Продукцияң булса сатуы да күңелле шул, сүз дә юк. Ә моның өчен Олы Кибәче мәктәбендә уңышны җыеп алуга ук киләсе елны да кайгыртырга керешәләр. Һәр төр яшелчәнең дә чәчүлек орлыгын, үсентеләрен үзләре әзерлиләр. Шуңа күрә дә муллыкка ышаныч арта.

    -Орлыкларны үзебез көз­дән әзерләп калдырабыз. Алай иткәндә ышанычлырак була. Помидор, кыяр орлыкларын февраль аенда ук чәчәбез. Быел мең ярым төп помидор кәлшәсе үстергән идек. Аның биш йөз чамасын авыл кешеләренә, укытучыларга саттык. Кәбестә кәлшәсен дә үзебез әзерлибез. Аның да үзебездән артканын сатып бирдек, - ди тәҗрибәле бакчачы Фирая ханым.

    Алар үстергән яшелчә­ләрдән шәһәр халкы да авыз иткән. Кишер, суган, чөгендерләре белән ярминкәгә дә сатуга чыкканнар. Андагы нәтиҗәле хезмәтләре өчен Татарстан Республикасы Авыл хуҗалыгы һәм азык-төлек, Мәгариф һәм фән, Хезмәт, мәшгульлек һәм социаль яклау министрлары кул куйган Рәхмәт хаты белән бүләкләнгәннәр. Сатудан кергән акчалар төрле чаралар үткәргәндә, мәк­тәпкә кирәк-ярак алганда тотыла.

    Замирә Сәмигуллина.

    Нурхан Дәүләтов фотосы.

    Нравится
    Поделиться:
    Реклама
    Комментарии (0)
    Осталось символов: