ОСАГО алу өчен мәҗбүри техник тикшерү үтәргә кирәк булмаячак

автор, 16 июнь 2021 - 11:30

705

Россия Дәүләт Думасы ОСАГО полисын алу өчен мәҗбүри техник тикшерүне (техосмотр) гамәлдән чыгарды. Яңа кагыйдәләр 22 августтан үз көченә керәчәк дип көтелә.

Яңалык автогражданлык җаваплылыгын мәҗбүри иминиятләштерү турындагы канунга кагыла. Нәтиҗәдә полис алу өчен машина йөртүчегә диагностика картасы ясатырга һәм техник тикшерү узуны дәлилләргә кирәкми.

Дәүләт Думасының финанс базары комитеты рәисе Анатолий Аксаков сүзләренчә, мәҗбүри автоиминиятләштерүнең техник тикшерү һәм диагностика картасына бәйле булырга тиеш түгеллеген ЮХИДИ дә, автоиминиятләштерүчеләр дә, Россия Банкы вәкилләре дә аңлый.

Фото: auto43.ru

Чыганак: Ватаным Татарстан

Следите за самым важным и интересным в Telegram-каналеТатмедиа

Без социаль челтәрләрдә: Телеграм, ВКонтакте, ТикТок, Ютуб, Одноклассники, Твиттер, Яндекс.Дзен