Роспотребнадзор: Covid-19 прививка ясатканнан соң бераз хәл авыраю антитәнчекләр ясалу турында сөйли

Коронавируска каршы вакцинациядән соң бераз хәл начарлануы мөмкин - бу организмның прививкага иммун җавап бирүе турында сөйли. Бу хакта республикада оештырылган туры эфирда Роспотребнадзорның ТР буенча идарәсе җитәкчесе урынбасары Любовь Авдонина сөйләде.

«Укол урынын бераз авыртырга мөмкин, хәл начарлану мөмкин, әмма бу үтә торган күренешләр, шуңа күрә аннан куркырга кирәкми. Бу организмның нормаль реакциясе, һәм ул, киресенчә, организмда кертелгән вакцинага иммунитет ясала дигәнне аңлата, һәм бу яхшы», — дип билгеләп үтте Авдонина.

Аның сүзләренә караганда, вакцинация татарстанлылар тарафыннан яхшы кичерелә, ТР Кулланучылар хокукларын яклау һәм кеше иминлеге өлкәсендә күзәтчелек федераль хезмәте авыр вакциналь өзлегүләр күрми.

Республиканың баш санитар табибы урынбасары иммунитет иньекциядән соң ук барлыкка килми, дип искәртте. Организмны саклау өчен җитәрлек антитәнчекләр вакцинация тәмамланганнан соң 14 көннән соң эшләнә. Шуңа күрә ике этап арасында һәм алардан соң барлык антиковид кагыйдәләрне үтәргә: битлек кияргә, социаль дистанцияне үтәргә кирәк.

Татарстанда кулланыла торган барлык өч вакцина да нәтиҗәле һәм куркынычсыз, дип саный Любовь Авдонина.

Чыганак: tatar-inform.ru