Роспотребнадзор Татарстанда авыруларның кимүен фаразлый

Бүгенге көндә Татарстанда коронавирус инфекциясе таралу стабильләштерелде, дип хәбәр итте Татарстан Республикасында санитар-эпидемиологик вәзгыять буенча матбугат конференциясендә ТР буенча Роспотребнадзор идарәсе җитәкчесе урынбасары Любовь Авдонина.

"Бүгенгә безнең процессны тотрыкландыру бара. Авыруларның куркыныч һәм көн саен үсүнең атналык темплары артмый, әмма әлегә кимеми дә. Шулай да, тенденция түбәнәюгә һәвәс, без моны ОРВИ авыруларының кимүе белән бергә күрәбез. Бүгенгә без эпидимия бусагасы дәрәҗәсендә", - дип хәбәр итте Любовь Авдонина.

Ул билгеләп үткәнчә, элек ОРВИ авыруы буенча эпидбусага ике тапкырга арткан.

Әмма, авыру кимү тенденциясенә карамастан, бәйрәмнәр алдыннан фаразлау кыен.

"Әлегә бәйрәмнәрдән соң авыру үзен ничек тотачагын әйтү кыен. Без,  халык һәм килгән туристлар тарафыннан барлык профилактика чаралары үтәлер, дип өметләнәбез, бу безгә гыйнвар-февральгә кадәр, вакцинация активрак үткәреләчәген исәпкә алып, авыручылар   кими барган вакытка килеренә мөмкинлек бирәчәк ", - дип билгеләде Авдонина.

Шул ук вакытта ТР сәламәтлек саклау министры урынбасары Владимир Жаворонков ассызыклаганча, хастаханәләр яңа ел бәйрәмнәрендә көчәйтелгән эш режимына күчәләр.

Фото: Рамиль Гали

Чыганак: chelny-izvest.ru