Россиядә дистанцион уку өчен электрон дәреслекләр бушлай ачыла

 Россия нәшриятлары төбәкләрдә укучыларны дистанцион укыту өчен электрон дәреслекләргә бушлай керү мөмкинлеген ачты. Бу хакта төбәк мәгариф идарәләре белән координация һәм үзара хезмәттәшлек буенча эшче төркемнең беренче утырышында хәбәр ителде.

«Бүген мәгариф өлкәсе хезмәткәрләренең квалификациясен күтәрү һәм яңадан әзерләү академиясе базасында укытучыларга һәм ата-аналарга ярдәм итү буенча методик координация төркеме булдырылды. Аерым алганда, ул төбәкләрдә дистанцион белем бирүне оештыру, электрон белем бирү ресурсларын куллану буенча эшли», — дип сөйләде утырышта Россия мәгариф министры Сергей Кравцов.

Аның сүзләренчә, Россия мәктәпләрендә дистанцион белем бирүне оештыру мөмкинлеге бар. «Белем бирү ресурсларына түләүсез керү мөмкинлеге булачак. Уку әдәбиятының эре нәшриятлары белем бирү процессы белән проблемалар булмасын өчен, электрон дәреслекләргә бушлай керү мөмкинлеге ачты, — диде Мәгариф министрлыгы башлыгы.

Сергей Кравцов шулай ук урта һөнәри белем бирү оешмалары укучыларын дистанцион укытуга методик ярдәм күрсәтү оештырылачагын өстәде.

«Просвещение» нәшрияты, вазгыятьне һәм дистанцион белем бирүне яхшы аңлап, федераль исемлеккә керүче дәреслекләрнең барлык электрон формаларына бушлай керү мөмкинлеген бирергә карар итте», дип дәвам итте «Просвещение» компанияләр төркеме президенты Михаил Кожевников.

«Нәшрият бөтен вебинарларга, методик материалларга, үрнәк программаларга һәм дистанцион укуда кулланыла ала торган башка интерактив ресурсларга бушлай керү мөмкинлеген булдыра», диде ул.

«Без базар буенча хезмәттәшләребезгә мөрәҗәгать иттек, һәм барлык нәшриятлар диярлек электрон дәреслекләргә бушлай керү мөмкинлеге бирә, әлегә Мәгариф министрлыгы мәктәпкә керү мөмкинлеген хуплый», — дип искәртте Михаил Кожевников.

«Татар-информ» мәгълүмат агентлыгы Россия фән һәм югары белем бирү министры Валерий Фальков сүзләренчә, читтән торып укытуга күчү югары уку йортларында студентлар стипендияләрендә һәм хезмәт хакларында чагылыш тапмаячак, дип хәбәр иткән иде.

Фото: Ильнар Тухбатов

Чыганак: tatar-inform.tatar