Рөстәм Миңнеханов Сергей Шойгуның урынбасары белән хоккей уйнады

Татарстан Президенты Рөстәм Миңнеханов Россия оборона министры урынбасары Тимур Иванов белән хоккей уйнады. Республика Президенты Twitter социаль челтәрендәге үз сәхифәсендә әлеге хоккей матчында төшерелгән фото урнаштырган.

«Россия оборона министры урынбасары Тимур Иванов белән!» - дип язган фото астына Рөстәм Миңнеханов.

С заместителем Министра обороны России Тимуром Ивановым! pic.twitter.com/Y6QVIGEvSN

— Рустам Минниханов (@RusMinnikhanov) December 15, 2019

Тимур Иванов Россия оборона министры урынбасары вазифасына Россия Президенты Владимир Путин указы белән 2016 елда билгеләнде. Ул ведомствода хәрбиләрне торак белән тәэмин итү, шулай ук министрлык объектлары төзү, реконструкция һәм капиталь ремонт мәсьәләләре белән шөгыльләнә.

Фото: twitter.com/RusMinnikhanov

Чыганак: tatar-inform.tatar