“Рәвешләр” театры артистлары чынлыкта нинди?

Быелгы “Картайган яшьлек” программасы күпләрне уйландырырга мәҗбүр итәрлек. Хәзерге яшьләрнең балачагы смартфонга, айфонга терәлеп кала. Без үскәндә урамнан да керми идек бит. Кыш салкын дип тормый идек. Рәхәтләнеп карда аунап-аунап уйнасак, хәзерге яшьләр картлар сыман бөгелеп-бөгелеп телефонда уйный. Ярар монысы. Әлеге сезонда шулай ук футболга багышланган миниатюра уйга калдырды. Дәүләтнең күпме акчасы шунда китә. Футболчыларга зур акчалар түләмәсәң, уйнарга да атлыгып тормый бит. Ә гади халык акча җитми дип тилмерә. Көнүзәк мәсьәләләрне юмор аша күрсәтеп, “Рәвешләр” театры күпләрдә хөрмәт уята.

 

- Сәлам, сәлам! – дип елмайды артист егетләр.

Әбри Хәбриев: “2009 елда “Барс медиа” компаниясе кастинг уздырды. Анда Фәрит Галиев белән жюрида утырдык. Кастингта Айдар Галиәскаров, Раушан Ситдыйков, “Тегеләр” төркеменнән Илһамия белән Валентина катнашты. Шуннан без видеопроектлар төшерә башладык. Ул вакытта “Рәвешләр” театры буларак оешмаган идек. “6 кадров” стилендә видеолар ясадык. 2010 елда “Мәтәште авылы хәлләре” видеопроект төшердек. 2011 елда концертлар белән чыга башладык”.

 

Айдар Галиәскаров: “Бу сорау буенча төрле фикерләр йөрде. Кызык кыяфәтле кешеләрне рәвешләр диләр бит. Шуннан китте инде ул. “Исемегезне үзгәртәсегез килмиме? Мәсәлән, тигәнәккә”, – дип тә әйтүчеләр булды”.

 

Фәрит Галиев: “Дүрт артист та, бер тавыш операторыбыз”.

 

Раушан Ситдыйков: “Ара-тирә җырчыларны чакыргалый идек. Без бит үзебез дә бик әйбәт җырлыйбыз. Кирәк булса, безнең тавыш операторы да җырлый”.

 

Айдар Галиәскаров: “Без үзебез дә яшьләр. Хәзерге 18 яшьлекләргә безнең үскән вакытта булган әйберләр кыргый булып күренә. Без 30 яшьлекләрнең балачагы кыргый дип әйтүем. Аларныкы безнең өчен ят”.

Әбри Хәбриев: “Хәзерге яшьләрнең күбесендә хәрәкәт дигән нәрсә юк. Кулында смартфон, айфон һәм башкасы. Без үскәндә андый әйберләр юк иде бит”.

 

Айдар Галиәскаров: “Когда как. По настроению”.

Әбри Хәбриев: “Төрле вакыт була. Үзем мин бик җитди кеше. Фәрит безнең сангвиник, Айдар холерик, Раушан пофигист (көлешәләр). Миндә сентиментализм да, холеризм, сангвинизм да бар”.

 

Айдар Галиәскаров: “Елдан-ел яңа образлар тудырырга тырышабыз. Фәритнең театраль белеме юк. Без теләгән образларны тудыра алмыйм.

Әбри Хәбриев: “Фәриткә ботаник, мескен рольләр бара. Ул аларны шулкадәрле әйбәт ача. Фәриткә кайчакта ачулар да чыгып бетә (көлә). Айдар белән бергә аңа образлар куябыз”.

Айдар Галиәскаров: “Раушан җилбәзәк, әзрәк “зәңгәррәк” рольләрне оста башкара. Мәсәлән, мин хатын-кыз булып киенеп сәхнәгә чыга алмыйм. Борынымда шрам бар. Әбригә дә хатын-кыз роле туры килми”.

 

Әбри Хәбриев: “Сценарийларны җәй айларыннан ук яза башлыйбыз”.

Айдар Галиәскаров: “Сиңа шул образ барачак дип, бергәләп уйлап язабыз”.

 

Әбри Хәбриев: “Җыелабыз. Гел бергә без”.

 

Әбри Хәбриев: “Айдарның “Галик”, Раушанның “Чүчән”, Фәритнеке “Фурка”. Ә менә Айдар мине “Гамилионыч” дип йөртә”.

 

- Пародия куярга теләк белдерүче кешеләрем җитәрлек. Аны бит җиренә җиткереп эшләргә кирәк. Минем җырчы Закир Шаһбанга пародия куясым килә. Хәтта Закир абый үзе дә ризалык бирде. Ләкин халык гаепләр дип бу эшкә алынырга тыелып торам.

 

 

Әбри Хәбриев: “Пародия – ул пиарның бер алымы. Мәсәлән, Әлфинә Әзһамовага, Булат Нигъмәтуллинга мин күрсәткән пародияләр ошый. Алар моның турында үзләре үк әйттеләр. Салават Фәтхетдиновка иң яхшы пародияне син ясыйсың, диләр. Тик мин бу фикер белән бик килешеп бетмим”.

 

- Җырларын флешкага яздырам да, машинада тыңлап йөрим. Аларга кушылып җырлыйм. Тавышны бер яктан, аннары икенче яктан үзгәртеп карыйм.

 

Фәрит Галиев: “Әтиләрдән килгән тәрбияне үзебезнең балаларга тапшыру турындагы җыр. Ике буынны тоташтыра торган. Көен Әбри язды”.

 

Әбри Хәбриев: “Әйе, әйе. Мәсәлән, мин концертның визуализациясе өчен җаваплы. Экранда күрсәтеләчәк барлык видеоларны ясыйм. Тавышларны һәм тавыш бизәлешләрен Фәрит башкара. Әлбәттә, сценарийны бергә язабыз. Айдар белән Раушан атрибутикалар табу белән шөгыльләнә. Афиша һәм билетлар буенча шулай ук мин шөгыльләнәм”.

 

- Юк! Бездә җитәкче дигән нәрсә бөтенләй юк. Театрда һәрбер кешенең үз фикере исәпкә алына. Берәр сорау туа икән, уртак өстәлгә салып хәл итәбез. Чөнки шулай эшләмәсәң булмый ул.