Саба районында ике кешедә тычкан авыруы ачыкланган

13-19 октябрьдә Татарстанда бөер синдромлы геморрагик бизгәкнең 62 очрагы теркәлгән, дип хәбәр итә Кулланучылар хокукларын яклау һәм кеше иминлеге өлкәсендә күзәтчелек буенча федераль хезмәтнең ТР буенча идарәсе.

Аерым алганда, Чаллыда әлеге чирнең 14 очрагы, Түбән Кама районында - 10, Казанда - 8, Кукмара районында - 4, Бөгелмә, Яшел Үзән, Чистай, Мамадыш районнарында - 3, Саба, Тукай, Балык Бистәсе, Аксубай районнарында - 2, Азнакай, Алабуга, Теләче, Балтач, Актаныш, Зәй районнарында берәр очрак ачыкланган.