Саба үзәк хастаханәсендә булачак әниләр белән чара узды

Саба үзәк район хастаханәсе табибы акушер-гинеколог Флюра Биктова йөкле хатыннар белән әңгәмә уздырды. Аналарга ярдәм итүнең әһәмиятең, туучылар санын арттыру, традицион кыйммәтләрне саклауга ярдәм итүнең мөһимлеген сөйләде.

Өченче тапкыр әни булырга әзерләнүче һәм күкрәк ашату буенча консультант Айзилә Вәлиуллина  бала имезүнең әһәмиятең, күкрәк сөтенең алыштыргысыз составын, имезгәндә баланы дөрес тоту кагыйдәләре белән таныштырды.