Сабада бер көнгә – 120 тонна сөт

Район авыл хуҗалыгы һәм азык-төлек идарәсеннән алынган мәгълүматлардан күренгәнчә, 14 сентябрьдә хуҗалыкларда 120 тоннадан артык сөт савып алынган. Беренче бишлектә «Мөхәммәтшин», «Әхмәтов» крестьян-фермер, «Нырты», «Курсабаш» җәмгыятьләре, «Саба» җәмгыятенең «Сатыш» бригадасы. «Мөхәммәтшин»да бер сыерга - 25,0 (узган елның шул чорында 23,3) «Әхмәтов»та - 22,1 (18,8), «Нырты»да - 21,8 (17,0) килограмм сөт савып алына. «Сатыш» бригадасында бер сыерга - 19,1, «Курсабаш»та - 18,4 килограмм сөт җитештерелә. Район буенча бер сыерга уртача савым - 17,5. Узган ел бу күрсәткеч 16,5 иде.