Синоптик Шувалов Татарстанда атна дәвамында кыраулар көтелүе турында кисәтте

Фото: © Солтан Исхаков, «Татар-информ»

Татарстанда 29 сентябрьдән 3 октябрьгә кадәр төнлә һәм иртән -2 градуска кадәр кырау көтелә, әмма көндез һава температурасы +10 градуска кадәр күтәреләчәк. «Метео» фаразлау үзәге җитәкчесе Александр Шувалов «Татар-информ» агентлыгына шул хакта хәбәр итте.

«Республикада һава торышы бик яхшы булачак, көндез һава +10 градуска кадәр җылыначак. Әмма төнге һәм иртәнге сәгатьләрдә кыраулар көтелә, температура -2 градуска кадәр төшәргә мөмкин», – диде агентлык әңгәмәдәше.

Бу атнада Татарстанда явым-төшем көтелми, дип өстәде ул.

Тулырак: https://tatar-inform.tatar/news/sinoptik-suvalov-predupredil-o-zamorozkax-v-tatarstane-na-protyazenii-nedeli-5911790