Табиблар йөрәк авыруларын кисәтүнең җиде гади ысулын атады
Төп факторлар арасында тәмәке тартуны ташлау, баланслы диета, уртача физик йөкләнеш һәм сәламәтлек күрсәткечләрен контрольдә тоту.
Җиде гади генә кагыйдәне үтәү йөрәк-кан тамыры системасы авыруларын барлыкка килүне 79 процентка киметә. Бу хакта Америка кардиологлары ассоциациясе белдергән. Бу турыда JAMA Network Open журналына сылтама белән РИА Новости яза.
Табиблар әйтүенчә, тәмәкедән баш тарту, балансланган диета, уртача физик йөкләнеш, нормаль авырлыкны саклау, кандагы шикәр күләмен, кан басымын һәм холестеринны контрольдә тоту сәламәтлекне сакларга ярдәм итәчәк.
Әлеге алымның нәтиҗәлелеген Пенсильвания штаты Университеты тикшеренүчеләре 74 мең ирекле катнашучының мәгълүматларын тикшереп исбатлаган. Тәҗрибәдә катнашучылар өч мәртәбә төрле клиник сынауларда катнашкан.
Йөрәк сәламәт булсын өчен барлык кагыйдәләрне дә үтәргә кирәк. Әлегә бу киңәшләрне 2 проценттан азрак америкалы гына тормышка ашыра.
Фото: https://pixabay.com
Следите за самым важным и интересным в Telegram-каналеТатмедиа
Нет комментариев