Татарстан Милли музеенда «Хәтер шәме» Халыкара мемориаль акциясе башланды

Бүген 11.30 сәгатьтә Татарстан Милли музеенда Бөек Ватан сугышы башлануга 77 ел тулу уңаеннан «Хәтер шәме» Халыкара мемориаль акциясе уздырыла, дип хәбәр итә ТР Мәдәният министрлыгының матбугат хезмәте.

Бу көнне «Привал» һәм «Лилия» клубында катнашучылар герой-шагыйрь Муса Җәлилнең тормыш, иҗат юлы һәм батырлыгына багышланган әдәби-музыкаль программа әзерләгән.

Сугыш һәм тыл ветераннары үз башыннан кичергән вакыйгалар хакында сөйләячәк. Кичәдә «Темная ночь», «В землянке» кебек сугыш елларында киң таралган җырлар яңгыраячак. 

Фото: Александр Эшкинин