Татарстанда реаль хезмәт хакы 11,3 процентка арткан

Татарстанстат тарафыннан әзерләнгән республиканың социаль-икътисади үсеше турындагы докладта шулай диелә.

Гыйнвар – июль айларында уртача айлык номиналь хезмәт хакы 70 270,3 сум тәшкил иткән. Ул узган елның беренче җиде ае белән чагыштырганда 20,1 процентка арткан.

Шуның белән бергә, аерым алынган июль аенда татарстанлыларның уртача хезмәт хакы елына – 15,4 процентка, ә аена нибары 0,1 процентка арткан.

Үз чиратында, июль аенда республикада яшәүчеләрнең номиналь хезмәт хакы бер елга күчереп исәпләгәндә – 25,9 процентка, бер айга күчергәндә 1,2 процентка артып, 74 986,3 сумга җиткән.

«Татар-информ» агентлыгы Казанның иң югары хезмәт хакы түләнә торган 20 шәһәр арасына керүе хакында хәбәр иткән иде.

Тулырак: https://tatar-inform.tatar/news/tatarstanda-real-xezmat-xaky-113-procentka-artkan-5894327