Саба таңнары
  • Тат Лат
  • Татарстанда тәүлек эчендә Covid-19 авыруының 53 очрагы ачыкланган

    Авыручыларның иң күбе - Казанда һәм Чүпрәле районында.

    Татарстан табиблары тәүлек эчендә Covid-19 коронавирусы белән зарарлануның 53 очрагын ачыклаган. Бу хакта «Татар-информ»га ТР Президенты матбугат хезмәте җитәкчесе Лилия Галимова хәбәр итте.

    «Җиде кеше хастаханәгә урнаштырылды, 46 кеше өйдә дәвалана. Аларда авыруның җиңел яисә симптомсыз формасы», — дип аңлатты агентлык әңгәмәдәше.

    Авыручыларның күбесе 30дан 50 яшькә кадәр булган категориядә — 25, 50дән 60 яшькә кадәр — сигез һәм 18дән 30 яшькә кадәр — шулай ук сигез кеше.

    Авырулар арасында иң күбе Казан кешеләре — 21. Инфекцияле кешеләр саны буенча Чүпрәле районы икенче урында — ун очрак, өченчедә — Чаллы.

    Татарстанда коронавирус диагностикасының бөтен чорында 3297 авыру ачыкланган. Аларның күбесе терелде, шул исәптән 124е — узган тәүлек эчендә, дип аңлатты Галимова.

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: