Татарстанның «Бриллиант кәләше» билгеле булды
Чаллының Татар дәүләт драма театры сәхнәсендә «Бриллиант кәләш — 2018» Бөтенроссия фестиваленең региональ туры финалы узды, дип яза «Вести КАМАЗа» басмасы.
Конкурста 2017 елда гаилә корган һәр хатын-кыз катнаша ала иде.
Сәхнәгә республикабызның төрле районнарыннан килгән 12 катнашучы чыкты. Кәләшләрне гармониялек, матурлык һәм туй образының үзенчәлекле булуына, шулай ук үзенең яраткан ир-атына ничек итеп мәхәббәт аңлатуына карап бәяләделәр.
Конкурс нәтиҗәләре буенча быелгы «Бриллиант кәләш» булып Чаллыда яшәүче Динара Мөхәммәдиева танылды. 15 май көнне Новосибирск шәһәрендә узачак Бөтенроссия кәләшләр фестивалендә ул Татарстан исеменнән чыгыш ясаячак.
Фото: Венера Иванова
Следите за самым важным и интересным в Telegram-каналеТатмедиа
Нет комментариев