Угры өйдән кыйммәтле әйберләрне генә түгел, ашау ризыклары да урлаган

Шәмәрдәндә  яшәүче төнлә белән  авылдашының өенә  кереп, 13 мең  сумлык әйбер һәм  ашау ризыклары  урлый. 
Олы  Арташ авылы кешесе Татар Икшермәсендә   яшәүченең  йортында  аны үтерү белән  яный. 
Байлар Сабасында   яшәүче үз йортында шәхси максатта  куллану өчен каннабис саклаган.  Наркотиклы  матдәне  оператив  чара  вакытында полиция хезмәткәрләре табып ала. 
Шәмәрдән кешесе ике араларында  килеп  чыккан бәхәстән соң,  кулына балта тотып, хатынына  үтерү белән  янаган. 
Әлеге  фактлар буенча  җинаять  эшләре  кузгатылды.