Укытучылар окладын минималь хезмәт хакының икеләтә күләмендә билгеләргә тәкъдим ителә
«Укытучы акчаны ничек җиткезү турында түгел, балаларны укыту һәм тәрбияләү турында уйларга тиеш»
Россия Федерация Советының мәгариф буенча комитет сенаторы Айрат Гыйбатдинов укытучыларның минималь оклады хезмәт өчен түләүнең (МРОТ) икеләтә минималь күләменнән дә ким булмаска дигән фикер белән чыкты. Бу хакта ТАСС хәбәр итә.
Гыйбатдинов сүзләренчә, хәзерге вакытта шундый проблема бар: укытучыларның хезмәт хакы кайчак минималь хезмәт хакы күләменнән дә түбәнрәк, бу һөнәрнең абруен төшерә, педагогларның хезмәтен кадерсезли, педагогларга ышанып тапшырылган балаларны укыту һәм тәрбияләүгә комачаулый. Вазгыятьне төзәтү өчен, Гыйбатдинов хезмәт хакын гарантияләнгән ике МРОТ күләмендә кертергә кирәк, дип саный. Өстәмә акчалар моннан тыш түләнергә, бу суммага керергә тиеш түгеллеген дә әйткән.
«Укытучы акчаны ничек җиткезү турында түгел, балаларны укыту һәм тәрбияләү турында уйларга тиеш», –ди Гыйбатдинов.
Хәзерге вакытта Россиядә минималь хезмәт хакы (МРОТ) 22 400 сум тәшкил итә, ә 2026 елның 1 гыйнварыннан аны 27 093 сумга кадәр арттыру планлаштырыла.
Кызыклы яңалыкларны күзәтеп бару өчен Телеграм-каналга язылыгыз
Тулырак: https://tatar-inform.tatar/news/federaciya-ssvety-senatory-ukytucylarga-okladny-ike-mrot-kulamenda-bilgelarga-takdim-itte-5912117
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев