Саба таңнары
  • Тат Лат
  • Владимир Вавилов: Конституциягә төзәтмәләр россиялеләрнең тормышын күпкә яхшыртачак

    Илнең чәчәк атуы турында уйлаучы кешеләр Россиянең Төп законына төзәтмәләр өчен тавыш бирергә тиеш, дип искәртте Анжела Вавилова исемендәге хәйрия фонды рәисе.

    РФ Конституциясенә төзәтмәләр Россиянең үсешенә һәм анда яшәүче гражданнарга яхшы йогынты ясаячак. Алтынчы чакырылыш ТР Дәүләт Советы депутаты, лейкемия белән авыручы балаларга ярдәм күрсәтү буенча Иҗтимагый хәйрия фондының идарә рәисе Владимир Вавилов шундый фикерен белдерде.

    «Илнең чәчәк атуы һәм халык турында уйлаучы кешеләр участокларга барырга һәм тавыш бирергә тиеш. Чөнки Конституциягә күп кенә компетентлы кешеләр тарафыннан кертелгән төзәтмәләр социаль өлкәдә дә, медицина тармагында да, башка юнәлешләрдә дә россиялеләрнең тормышын күпкә яхшырак һәм үтемлерәк итәчәк», - дип искәртте Владимир Вавилов.

    Ул билгеләп үткәнчә, участокларга барып, сүздә генә түгел, ә чынбарлыктагы якты киләчәк өчен тавыш бирергә кирәк.

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: