Яңа елда янгын куркынычсызлыгы кагыйдәләрен бозган өчен штрафлар күләме ике тапкырга артты

ТР Яңа елда янгын куркынычсызлыгы кагыйдәләрен бозган өчен штраф күләме ике тапкырга арткан. Бу хакта ТР Министрлар Кабинетында узган брифингта Россия Гадәттән тыш хәлләр министрлыгының Татарстан буенча Баш идарәсе башлыгы Рафис Хәбибуллин хәбәр итте.

Ул искәрткәнчә, 2021 елның 20 декабреннән 10 гыйнварына кадәр республика территориясендә янгынга каршы махсус режим гамәлдә. Бу вакытта янгын куркынычсызлыгы кагыйдәләрен бозган өчен, аеруча билгеләнмәгән урыннарда фейерверклар җибәргән өчен штрафлар икеләтә арта.

«Республика халкы өчен штраф күләме 4 мең сумга кадәр артты. Вазыйфаи затлар өчен - 30 мең сумга кадәр. Юридик затларга хәзер 400 мең сумга кадәр штраф яный ала ", - дип ачыклык кертте ведомство башлыгы.

Бу чорда фейерверклар һәм петардларны җиһазландырылган мәйданчыкларда гына атарга мөмкин булачак, алар Татарстанда меңнән артык.

Фото: Елена Саляхова

Чыганак: tatar-inform.ru