Җәйнең икенче яртысы – Россиядә туй ясар өчен иң популяр вакыт

2018 елда Россиядә никахлар күбесенчә июль аеннан сентябрьгә кадәрге чорда теркәлгән. Бу чорда 377,4 мең пар язылышкан, дип белдерделәр РФ Юстиция министрлыгында. Бу хакта RT телеканалы хәбәр итә.

Апрель аеннан июньгә кадәрге чор популярлыгы ягыннан икенче урында – бу дәвердә 222,33 мең никах теркәлгән. Өченче урында – октябрь аеннан декабрьгә кадәрге вакыт (208,5 мең пар).

Елның беренче кварталында исә никахлар иң аз теркәлгән – нибары 158,7 мең.

Узган елда илдә барлыгы 967 мең никах рәсмиләштерелгән.

Фото: pixabay.com

tatar-inform.tatar