Зарипов: Журналистлар эше нәтиҗәсендә Россия халыклары бер-берсен яхшырак белә

Казанда Татарстан Дәүләт Советы депутаты Айрат Зарипов «Многоликая Россия»" XII Бөтенроссия журналистлар конкурсы җиңүчеләрен бүләкләде һәм рәхмәт әйтте.

«Мин бу искиткеч конкурс дип саныйм. Безнең илдә мондый вакыйгалар булуы яхшы, чөнки журналистлар эше нәтиҗәсендә без бер-беребезне яхшырак беләбез. Россия - биредә яшәүче барлык халыклар өчен Туган ил. Журналистларның хезмәте нәтиҗәсендә без бер-беребезне яхшырак беләбез һәм аңлыйбыз, һәм бу бик яхшы», - диде ТР Дәүләт Советының Мәгариф, мәдәният, фән һәм милли мәсьәләләр комитеты рәисе.

2019 елда «Многоликая Россия» конкурсына 201 гариза тапшырылган. Илнең 56 төбәгеннән журналистлар 1234 эш тәкъдим иттеләр.

• «Многоликая Россия» Бөтенроссия журналистлар конкурсы Татарстанда ел саен – «2014-2021 елларга Татарстан Республикасында дәүләт милли сәясәтен гамәлгә ашыру» дәүләт программасы кысаларында уздырыла. Аны Милләт эшләре буенча федераль агентлык ярдәмендә Республика матбугат һәм массакүләм коммуникацияләр агентлыгы гамәлгә куя һәм оештыра.

Быел конкурсның приз фонды 1 млн 820 мең сум тәшкил итә, шуларның 500 меңе Гран-прига туры килә.

Фото: Владимир Васильев

tatar-inform.tatar