Байлар Сабасында күпфатирлы йортларның ишегалдын төзекләндерү эше тәмамланды

Берничә ел дәвамында Татарстан Республикасы Президентының “Безнең ишегалды” программасы кысаларында күпфатирлы  гомуми йортларның ишегалды территорияләрен төзекләндерү эше башкарыла. Быел әлеге программа кысаларында Байлар Сабасы бистәсенең Школьная урамындагы 26нчы һәм 28нче, 41нче һәм 43нче, Пионер урамындагы 4нче күпфатирлы йортларында яшәүчеләргә дә бәхет елмайды. “МДСУ-1” җәмгыяте  эшне тиешле срокта, таләпләргә туры килерлек итеп башкарып чыкты. Инде илләребез тыныч булсын да, алардан файдаланып озак яшәргә язсын дигән теләктә калабыз.