Балалар иҗат үзәгендә шөгыльләнүче укучылар «Җылылык бүләк итәм» акциясе үткәрделәр

 9 сентябрендә, Бөтендөнья матурлык көне уңаеннан, "Балалар иҗат үзәге" өстәмә белем бирү учреждениесе  эчке матурлыкның һәм гармониянең мөһимлеген ассызыклау максатында "Җылылык бүләк итәм" акциясе уздырды. Әңгәмә барышында тәрбияләнүчеләр белән эчке дөньяның кыйммәте, ышаныч һәм иминлек нигезләре буларак үз-үзеңне уңай кабул итү кирәклеге темалары күтәрелде. Әлеге акция кысаларында Саба районының истәлекле урыннары турында мөһим мәгълүматлар тупланган тематик листовкалар таратылды.