Битумлы җирләр тиздән яшеллеккә күмеләчәк

Әйтергә кирәк, Шәмәр­дән­­­нең төньяк-көнбаты­шын­дагы бу биләмә җир­ле халыкның җанын кый­нап торучы иң ямьсез, таш­ландык урыны булган. Би­тум күлләвегендә хәтта бер елны кеше дә баткан дип сөйләделәр. Ниһаять, җәй башында биредә кү­ләм­ле чистарту эшләренә старт бирелгән. «Биредә үт­кә­релгән тикшерүләр җир­нең деградацияләнүе һәм бозылу очракларын күр­сәтте, ягъни 259 кв.м мәй­данның туфрагы тимер-бе­тон конструкцияләр ватык­лары, 1,6 мең кубометр би­тум калдыклары белән кап­­ланган, 12,6 мең кв.м грунт пычранган иде. Мон­нан тыш, бу биләмә Кече Мишә, Инеш елгалары һәм Мишә елгасының уң ку­шыл­дыгы арасындагы су бүленеше участогы бу­лып тора",-дип аңлатма би­реп китте ТР Экология һәм табигый ресурслар ми­нистры урынбасары Егор Тарнавский. Саба муни­ципаль районы башкарма ко­митеты җитәкчесе Марат Ишниязов әйтүенчә, Со­ветлар Союзы чорында бу урында эшләгән пред­приятие 90нчы елларда бе­терелә һәм артыннан күңелсез “мирас” булып би­тум калдыклары белән 4 котлован утырып кала. "Шә­мәрдән авылы субүләр зонада (водораздел) урнаш­кан, ягъни грунт сулары җир өслегенә бик якын. Яз кө­не кар сулары пычракны бөтен биләмәгә тараталар иде. Бу мәсьәләне хәл итүдә безгә экологик зыянны бе­терүгә юнәлтелгән «Чиста ил» федераль программасы ярдәмгә килде. 2018 ел­да без территорияне тик­шердек, 2019 елда-про­ект­лаштырдык, уңай эко­логик экспертиза алдык. Эко­логия министрлыгы белән берлектә заявка фор­малаштырдык, аны Мәс­кәүдә якладык. Бы­ел илкүләм проект кыса­ла­рында территорияне чис­тарту һәм җирләрне рекультивацияләү эшләре башланды", - ди башкарма комитет җитәкчесе.

Биредә эшләр ике циклда: техник һәм биологик этапта алып барыла. «Бүгенге көндә үтәлеш 40 процент тәшкил итә. Беренче чират – пычранган грунт алынып (өске пычрану катламы 50 см.дан алып- 6 метрга кадәр), махсуслаштырылган оешмага утильләштерүгә тапшыру. Киләсе этап инде чиста грунт, уңдырышлы туфрак кертү һәм, биологик рекультивация үткәрү, ягъ­ни агачлар, куаклар, үсем­лекләр утырту булачак», – ди подрядчы оешма - «ТРЕЙД МЕТАЛЛ» җәмгыяте генераль директоры Марат Галиев. Дәүләт контракты нигезендә, бу эшләрнең сум­масы 76,6 миллион сум тәшкил итәчәк. Шәмәрдән халкы биредәге уңай үз­гәрешләрне тиздән үз күзләре белән күрәчәк”.

Автор фотолары