"Иң изге сүз-ӘНИ сүзе"

Авыл үзешчәннәре катнашында әзерләнгән бәйрәм Т.Миңнуллинның "Әниләр һәм бәбиләр" спектакленнән өзек белән башланып, әниләр турында җырлар, шигырләр белән дәвам итте. Иң кадерле кешеләр өчен биюләр дә куелды. Әни сүзе назлы кочак, җылы өй һәм тәмле ризык сүзләре белән аваздаш, шуны исәпкә алып һәм татар халык ашларын популярлаштыру максатын күздә тотып, бәйрәмнең икенче өлешен өчпочмакка багышладык. Әлеге камыр ашын пешереп алып килгән хуҗабикәләр аны тагын да тәмле итеп әзерләү серләрен ачтылар, бүләкләр дә кабул итеп алдылар. Бәйрәм ахырында барлык катнашучылар һәм тамашачылар чәй табыны янында татлы ризыклар һәм өчпочмак белән сыйланырга чакырылды.

Фото:http://rdk-saby.do.am

http://rdk-saby.do.am