«Якты гомер көзем!»

   Югары Симет мәдәният йорты һәм китапханә хезмәткәрләре,  Өлкәннәр көненә багышлап "Якты гомер көзем!» дип исемләнгән чара үткәрделәр. Бәйрәмгә килүче ветераннарны Югары Симет авыл җирлеге башлыгы  Илгизәр Әхмәдуллин котлады, һәркайсына сәламәтлек, озын гомер теләде һәм матур музыкаль котлау бүләк итте.  Бәйрәмгә килүчеләр мул ризыклы  табын артында сыйландылар.  Авылның өлкән буын кешеләре көндәлек тормышта да игътибарсыз калмас дип өметләнәбез.