Ике кыз янына бер егет!

2024 ел "Саба таңнары" редакциясе коллективы өчен күңелле яңалык белән башланып китте. Газетабызның СММ белгече Алсу Илфат кызы 3 гыйнвар көнне өченче тапкыр әни булды! Хәзер Ибраһимовлар гаиләсе тагын бер кешегә артты: Сәидә белән Әминәнең энекәшләре Гомәр бар. Әтиләре Рөстәм  дә бу көннәрдә зур шатлык хисләре кичерә- ир-бала, нәсел дәвамчысы туды! Ибраһимовларны чын күңелдән котлыйбыз! Гомәр Рөстәм улы иманлы, тәүфыйклы, сау-сәламәт батыр егет булып үссен дигән теләктә калабыз!