Иштуган мәдәният йортында Саба районы мәдәният хезмәткәрләренең семинар-киңәшмәсе узды

Чара кунакларны каршы алудан башланды. Балалар милли киемнәрдән өч телдә шигырьләр сөйләделәр. Мәдәният йорты каршында эшләп килүче "Тюрагай" удмурт фольклор коллективы удмурт халкының туй йоласын күрсәтте. Мәдәният йорты фойесында “Халыклар дуслыгы-мәңгелек!, “Халкыбызның күңел бизәкләре!", "Безнең уңышларыбыз" дип аталган күргәзмәләр оештырылган иде.

Китапханә һәм клуб мөдирләре 2021 нче ел өчен мәдәният йорты һәм китапханә эшенә анализ ясадылар. Төрле мәсьәләләр буенча Саба муниципаль районы Башкарма комитетының мәдәният бүлеге җитәкчесе Заһидуллин Рөстәм Фидәиль улы һәм әйдәп баручы методист Садриева Гөлүсә Шамил кызы чыгыш ясадылар.

Чыганак: saby.tatarstan.ru