Иштуганда бала катнашында авария

1983нче елгы Кукмара районы кешесе Ә. идарә иткән “Опель Астра” автомобилендә Җиңү урамыннан барганда ян интервалны дөрес сайламыйча, каршысына килүче 2012 елгы велосипедчыны бәрдерә. Нәтиҗәдә Казан шәһәрендә яшәүче III сыйныф укучысы сул беләгенә, тез баш башларына кан савудан гыйбарәт тән җәрәхәтләре ала һәм Шәмәрдән участок хастаханәсенә китерелә. Җәйге каникулда велосипедларда, самокатларда урам юлларында йөрүче балаларның күбәюен күздә тотып, ЮХИДИнең район бүлекчәсе автомобиль йөртүчеләрнең юлларда бик игътибарлы булуларын сорый.