Иштуганда лаеклы ялда булучылар өчен кич утыру чарасы оештырганнар

 Лаеклы ялга чыккач, кешенең тормышы бертөрлерәк үтә, һәр көн алдагысына охшаган. Буш вакытлар да күп була. Күпләргә аралашу җитми.   Иштуган мәдәният йорты һәм китапханәсе белгечләре дә өлкәннәрне күңелле итеп очрашттыру, аралаштыру,  «Мин пенсиядә утырам, вакытны юкка үткәрмим» дигән кич утыру чарасы оештырдылар. Анда катнашучылар «Мимика», «Золушка», «Третий лишний» һәм башка конкурсларда үз сәләтләрен күрсәттеләр. Үзләренең яшьлек җырларын искә төшерделәр, биеделәр, «Әби әкиятләре»н сөйләделәр. Кыскасы, рәхәтләнеп күңел ачтылар.Чара дусларча чәй эчү белән тәмамланды.