Июнь аенда спиртлы эчемлекләр кулланган хәлдә транспорт чаралары белән идарә иткән 6 йөртүче административ җаваплылыкка тартылды
Шуларның икесе – Пүкәл авылында яшәүчеләр. 1965 елгы Р. 11 июньдә Өтернәс авылында “ДэуНексия” автомобилендә йөргәндә тоткарлана. Алкотестер ул сулап чыгарган һавада 0,353 промилле алкоголь барлыгын ачыклый. Тагын ике көннән КазанШәмәрдән юлының 105нче километрында туктатылган авылдашы – 1987 елгы Ф. исә тагын да күбрәк салган булып чыга. Шулай да ул беркетмәгә чиялекарлыганлы бер стакан сөт эчүе турында гына яза.
Ә менә 18 июньдә шул ук километрда ЮХИДИ инспекторлары белән очрашкан 1974 елгы АланЕлга авылы кешесе 100 грамм аракы эчкәнен яшерми. Алай гына булдымы икән? Чөнки алкотестер 0,969 промилле күрсәтә. Шулай да рекордны 21 июньдә Килдебәк авылында яшәүче 1970 елгы Г. куя. Аңлатма язарлык хәлдә дә булмый. Ни әйтсәң дә, 1,519 промилле алкоголь инде кешенең холыкфигыленә чыга башлый. Июнь аенда эчкән өчен праваларын алдыручылар арасында Казаннан килгән 1967 елгы М. һәм 49 яшьлек Саба кешесе Ю. да бар. Гомумән, юлларда спиртлы эчемлек кулланган хәлдә руль артына утыручылар бетеп тормый. Агымдагы атнада гына да исерек хәлдә машина белән идарә иткән өчен 3 йөртүче административ җаваплылыкка тартылды.
Юл хәрәкәте кагыйдәләрен үтәмәү котылгысыз рәвештә штрафка китерә. Кызганычка каршы, әлеге җәза чарасын вакытында үтәмәүчеләр арта. Быел штраф түләүне сузып йөргән 146 йөртүчегә (былтыр бу чорда – 137) беркетмә төзелгән. Шуның 10ысына арест чарасы кулланылган.
Фото: ru.freepik.com
Следите за самым важным и интересным в Telegram-каналеТатмедиа
Нет комментариев