Килдебәк авыл җирлегендә үзйөрешле машиналарга техник карау булып үтте

        Килдебәк авыл җирлегендә Татарстан Республикасы Дәүләт техника күзәтчелегенең Саба муниципаль районы буенча бүлеге баш дәүләт инженер-инспекторы Х.Х. Нәзиров  физик затларның үзйөрешле машиналарына техник карау үткәрде. Техник карау өчен 9 берәмлек үзйөрешле техника тәкъдим ителде. Техниканы техник яктан тикшергәндә руль идарәсенең һәм тормоз системасының төзеклегенә, яктылык һәм тавыш сигналларына, агрегат номерларының тапшырылган документларда күрсәтелгән мәгълүматларга туры килүенә, янгын сүндергечләрнең, медицина аптечкаларының, тракторист-машинист таныклыгының булуына аерым игътибар бирелде.