Мәртен авылында яшәүче Җиһания Хәйретдинованы 95 яше белән котладылар
Юбилярга РФ президенты Владимир Путинның котлау хатын һәм Саба муниципаль районы башлыгы тәбрикләвен «Балкыш» халыкка социаль ярдәм күрсәтү үзәге җитәкчесе Нияз Дәүләтшин, Килдебәк авыл җирлеге башлыгы Нияз Заһидуллин, «Мәртен» агрофирмасы җитәкчесе Әскәр Фатыйхов тапшырды.
Җиһания Хәйретдин кызы Мәртен авылында туган. Ялгызы бер ул тәрбияләп үстергән. Лаеклы ялга чыкканчы “Мәртен” агрофирмасында хезмәт куйган. Пенсиягә чыккач та 80 яшенә кадәр эшләвен дәвам иткән. Ул күпсанлы юбилей медальләре, “Хезмәт ветераны” медале белән бүләкләнгән. Улы Хафиз Казанда яши һәм эшли, өйләнмәгән. Ялгыз яшәүче Җиһания апаның хәлен белергә еш кайта. Шулай ук Сабада яшәүче бертуганының балалары да булыша Җиһания апага. Ул бик тырыш, хәрәкәтчән, әле дә хуҗалыгында вак терлек асрап тора.
Следите за самым важным и интересным в Telegram-каналеТатмедиа
Нет комментариев