«Мәдәният иленә сәяхәт» мәдәни дәрес
13 сентябрь көнне Район балалар китапханәсендә Саба гимназиясенең 1 А сыйныф укучылары өчен (сыйныф җитәкчесе Заһидуллина Г.Ф.) «Мәдәният иленә сәяхәт» дип исемләнгән мәдәни дәрес үткәрелде.
Китапханә белән танышу - ул яңа, тылсымлы һәм гадәти булмаган кызыклы дөнья ачу. Балалар китапханә турында зур игътибар белән тыңладылар, алар китапларның өйгә ничек бирелүен һәм саклануын, стеллажларда китапларның ничек урнашуын, каталогның нәрсә икәнлеген, абонемент, уку залы һәм башка бик күп кирәкле мәгълүматны белделәр. Китапханәчеләр балаларга бик күп кызыклы һәм матур китаплар күрсәттеләр. Шулай ук балалар китапханә, китап, журналлар турында табышмакларга җаваплар бирделәр.
Фото: saby.tatarstan.ru
Следите за самым важным и интересным в Telegram-каналеТатмедиа
Нет комментариев