Олыязда бәрәңге базы янды

19 март төнендә, иртәнге  сәгать 4ләрдә,  Олыяз авылында шәхси хуҗалыкларның берсендә Түбәсен  тактадан почмаклы итеп  ясап  куйган бәрәңге базы  яна  башлый. Пожарниклар  килеп  җиткәнче  кешеләр  кул астындагы  чаралар  ярдәмендә  утны  сүндерәләр.  Янгынның ничек һәм нилектән килеп  чыкканын  хуҗалар  үзләре  дә  белми. Йортта  тәмәке  тартучылар  юк ди.  Әлеге  очракны  исәпкә алып  районара   янгын   күзәтчелеге  бүлеге  гражданнарны  ут-күздән һәрчак игътибарлы булуларын, йорт, каралты тирәсендә куркынычсызлыкны   даими    күздән кичереп торуларын  сорый.