Райондашларыбызга Рәхмәт хатлары һәм Мактау грамоталары тапшырылды

 Күпьеллык нәтиҗәле хезмәте һәм үсеп килүче буынны укыту һәм тәрбияләү эшендә ирешкән уңышлары өчен Сабабаш төп мәктәбенең тарих һәм җәмгыять белеме укытучысы Рания Равил кызы Исмәгыйлова; “Ромашка” Юлбат балалар бакчасы мөдире Гөлназ Гаяз кызы Кадыйрова;  авыл хуҗалыгы җитештерүендә күпьеллык нәтиҗәле хезмәтләре һәм югары күрсәткечләргә ирешүләре өчен “Туган як” җәмгыяте сыер савучысы Рәмзия Хәмидулла кызы Зәйнетдинова; секретарь Фәнвирә Хәйдәр кызы Сөләйманова; агросәнәгать комплексында күпьеллык нәтиҗәле хезмәтләре өчен «Лен» җәмгыяте механизаторы Илһам Сәетнур улы Гыйлманов; сортировкалаучы Руфия Харис кызы Гыйлманова Саба муниципаль районы башлыгының Рәхмәт хаты белән бүләкләнделәр.

Күпьеллык нәтиҗәле хезмәте һәм районда физик культураны һәм спортны үстерүгә керткән өлеше өчен "САБА-АРЕНА" спорт мәктәбенең бадминтон буенча тренер-укытучысы Гөлнара Хәмит кызы Зарипова Саба муниципаль районының Мактау грамотасы белән бүләкләнде.