Саба егетләре Әтнәгә Кыш бабай призына көрәшкә бардылар

    Елдагыча, Әтнә районының  “Таң” авыл хуҗалыгы кооперативы декабрь 2008 елгы һәм  алардан  яшьрәк үсмерләр арасында  Кыш бабай призына ачык көрәш турниры уздырды.  Бәйгене Татарстан Республикасы көрәш федерациясе башкарма директоры Марсель Тагиров та карады. Турнирда   күрше районнар, шулай  ук Саба егетләре дә катнашты. Үз үлчәү категорияләрендә Камил Нуриев (24 кг.) –1нче, Ранил Хаҗиев (36 кг.), Илзат  Нигъмәтуллин ( 60  кг.) 3нче  урыннарны  алдылар. Тренерлары – Илдар Ермолаев. Бәйгегә килгән һәр көрәшче бала Кыш бабай алып килгән бүләккә лаек булды.