Саба таңнары

Саба һәм Кукмара Кытай шәһәрләре белән тугандаш булды

Бүген Ханчжоу шәһәрендә «Татарстан-Чжэцзян» эшлекле форумы барышында аларның тугандаш шәһәрләр булуы турындагы килешү төзелде.

 Бүген Ханчжоу шәһәрендә «Татарстан-Чжэцзян» эшлекле форумы барышында Саба муниципаль районы белән - Вэнлинь шәһәре  һәм Кукмара муниципаль районы белән Юйхуань шәһәре арасында тугандаш шәһәрләр булу турындагы килешү имзаланды. Бу хакта Татарстан Президенты матбугат хезмәте хәбәр итә.

Татарстан Республикасы ягыннан килешүләргә имзаларын Саба районы башлыгы Рәис Миңнеханов һәм Кукмара районы башлыгы Сергей Дмитриев куйды.

"Без Чжэцзян провинциясе белән мөнәсәбәтләрне үстерү яклы. Беренче чиратта, икътисад өлкәсендә, - диде Татарстан Республикасы Президенты Рөстәм Миңнеханов. - Хәзерге вакытта муниципаль дәрәҗәдә дә багланышларыбыз булуы куанычлы".

  • 2003 елда Ханчжоу белән Казан арасында тугандашлык мөнәсәбәтләре турында килешү имзаланган иде. Узган ел Кукмара районы Юйхуань шәһәре белән икътисадый хезмәттәшлек турында килешү төзеде.

"Бүген без Кумара районы белән - Юйхуань, Саба районы белән Вэнлинь арасында тугандашлык мөнәсәбәтләре турындагы килешү имзалау шаһитлары булдык. Шулай ук хәзерге вакытта Татарстан Республикасы белән Чжэнцзян провинциясе арасында сәүдә-икътисадый хезмәттәшлек турында килешү әзерләнүе турында хәбәр итәсем килә", диде Татарстан Президенты.

Фото: tatarstan.ru

Нравится
Поделиться:
Реклама
Комментарии (0)
  • 21 май 2018 - 13:19
    Минзәлә районында парашютчылар белән булган һәлакәтнең ВИДЕОСЫ
  • 17 май 2018 - 16:45
    “Хозур ТВ": "Рамазан – изге гамәлләр ае"
Ночной режим