Саба районы «Әнием пироглары» акциясенә кушылды [+фото]

Саба районы «Татарстан хатын-кызлары» Региональ иҗтимагый оешмасы башлап җибәргән «Әнием пироглары» акциясенә кушылды - өлешчә мобилизациягә эләккән ир-атларыбызга районыбызның аш-су осталары чәй янына пироглар, чәк-чәк һәм башка тәм-томнар пешерде. Татлы ризыклар Казан Экспо һәм Танк училищесы базасында урнашкан мобилизацияләнгән яткташларбызга тапшырылачак.

Җан җылысы кушып пешерелгән камыр ризыклары һәркемгә җан рәхәте һәм физик көч бирсен! Егетләрнең, сау-сәламәт булып, өйләренә әйләнеп кайтуларын телибез!