Сабада «Яшь Мастер» чемпионаты старт алды

 Сабаның 2 нче «Әллүки» балалар бакчасы базасында «Мәктәпкәчә тәрбия» һәм «Башлангыч сыйныфларда укыту» компетенцияләре буенча өлкән мәктәпкәчә яшьтәге балалар арасында «Яшь Мастер» чемпионаты старт алды. Балалар үзләренең остазлары белән дәрес фрагментларын әзерләделәр,  сайлаган һөнәрләре турында сөйләделәр һәм жюри әгъзаларын үзләренең яхшы чыгышлары белән сөендерделәр. Чара ахырында йомгаклар ясалды, дипломнар һәм бүләкләр тапшырылды.